Маркус Рэшфорднинг келажаги номаълум бўлиб қолди. Дам олиш кунларидаги дербини ўтказиб юборгач, «Манчестер Юнайтед» форварди янги чақирувга тайёр эканлигини айтди. «Times» журналисти Мартин Самуэл «Манчестер Сити» бош мураббийи Хосеп Гвардиола Рэшфордни ўз жамоасига олиши мумкинлигини инкор этмайди.
Самуэлнинг айтишича, Гвардиола Рэшфорднинг ашаддий мухлиси. «Манчестер Сити» бош мураббийи ўз жамоасига фақат «Манчестер Юнайтед»дан Рэшфордни олишини алоҳида айтиб ўтган.
«Transfermarkt» портали 27 ёшли Маркус Рэшфордни 55 миллион еврога баҳолаган.
