«Интер» ҳимоячиси Федерико Димарко фаолиятини Англия Премьер-лигасида давом эттиришдан бош тортди.
«Tuttosport» хабарига кўра, «Манчестер Юнайтед» италиялик футболчининг хизматларига қизиқиш билдирган, бироқ футболчининг ўзи ҳам, «Интер» ҳам манкунианликлар билан музокаралар олиб бормоқчи эмас. Шу сабабли «Манчестер Юнайтед» бошқа футболчи билан музокарага ўтишга мажбур бўлади, бироқ Федерико уларнинг рўйхатида биринчилардан эди. Қайд этилишича, «Арсенал» италиялик футболчини ёзда ўз сафига қўшиб олмоқчи бўлган, бироқ уларга ҳам рад жавоби берилган.
27 ёшли Димарко «Интер» тарбияланувчиси бўлиб, у учун жорий мавсумда 18 та ўйин ўтказиб, 3 та гол урди ва 5 та голли узатмани амалга оширди.
