"Рома" бош мураббийи Клаудио Раньери ҳужумчи Пауло Дибаланинг ҳозирги савияси ҳақида фикр билдирди.
Чоршанба куни римликлар Италия кубоги баҳсида "Сампдория"ни мағлуб этишди (4:1). Аргентиналик форвард ўйинни захира ўриндиғидан кузатди.
"Дибала - муҳим футболчи. Ўзини яхши ҳис қилса, унинг ўйини бутунлай фарқ қилади. "Рома" Пауло билан бир жамоа, усиз эса умуман бошқа жамоа. Ўйиндан олдин мен унга айтдим: "Умид қиламанки, бугун майдонга туширишга мажбур бўлмайман", деди Раньери матбуот анжуманида.
