"Арсенал" ҳужум чизиғини кучайтириш ҳақида ўйламоқда. Миш-мишлар узоқ вақтдан бери Лондон клубини "Ювентус" футболчиси Душан Влахович билан боғлаб келади. Миш-мишларга кўра, "канонирлар" бош мураббийи Микель Артета сербни ўз жамоасида кўришни жуда хоҳлайди.
Todofichajes портали саҳифаларида хабар берилганидек, "Арсенал" Душан Влаховични Габриэль Жезусга алмаштириш имкониятини кўриб чиқмоқда. Бундай битим иккала томон учун ҳам мос келиши мумкин.
Айтиш жоизки, маълумотлар чоршанба куни Англия Лига кубоги чорак финалида "Арсенал"нинг "Кристал Пэлас"га қарши ўйинида Габриэль Жезус хет-трик қайд этишидан олдин пайдо бўлган эди.