"Ливерпуль" бош мураббийи Арне Слотт Лига кубоги чорак финалида "Саутгемптон" устидан қозонилган ғалабадан сўнг (2:1) ярим ҳимоячи Ватару Эндони мақтади.
Японялик футболчи асосий таркибда майдонга тушди ва финал ҳуштагигача ўйнади. Мерсисайдликлар Дарвин Нуньес ва Харви Эллиотнинг голлари эвазига ғалаба қозонишди.
"Агар кимгадир катта илтифот айтишим керак бўлса, бу Эндо бўлиши керак. Унинг феъл-атвори ва менталитети унинг қанчалик сифатли футболчи эканлигини кўрсатади", деди Слот ўйиндан кейинги интервюсида.
Бу мавсумда Ватару Эндо фақат Лига кубоги ўйинларида асосий таркибда ўйнаяпти. Премьер-лига ва Чемпионлар лигасида у захира ўйинчиси бўлишга рози.
