Сўнгги йилларда "Реал Мадрид" мунтазам равишда ҳимоя чизиғидаги кадрлар муаммоси билан курашиб келмоқда.

Transfer News Live нашрининг хабар беришича, Мадрид суперклуби 2024/2025 йилги мавсум охирида иккита юлдуз ҳимоячисини сотиши мумкин.

Гап Давид Алаба ва Эдер Милитао ҳақида кетмоқда.

"Реал Мадрид" Алаба ва Милитаонинг мунтазам тарзда соғлиги билан боғлиқ муаммолардан хавотирда.

Бразилиялик футболчининг ноябрь ойида хочсимон пайлари йиртилган эди - худди шундай жароҳат туфайли у ўтган мавсумни деярли ўтказиб юборди.

Австриялик футболчи, ўз навбатида, тиззасидан олган жароҳати туфайли аллақачон бир йилни шифохонада ўтказган.