Мюнхеннинг «Бавария» клуби «Челси» вингери Михаил Мудрикни 2024 йилнинг январида ўз сафига қўшиб олмоқчи эди, дея хабар беради Фабрицио Романо.
Йил бошида мюнхенликлар 23 ёшли украиналик футболчини сотиб олиш ҳуқуқи билан ижарага олишни режалаштирганди. Бу ҳаракат Томас Тухель «Бавария» бош мураббийи бўлганида мумкин эди.
Эслатиб ўтамиз, 17 декабрь куни «Челси» футбол ассоциацияси (ФА) тест синови салбий натижаси туфайли Мудрик вақтинчалик футболдан четлатилганини тасдиқлаган эди.
Жорий мавсумда Михаил клуб ва терма жамоа сафида 20 та ўйинда майдонга тушиб, 4 та гол урди ва 6 та голли узатмани амалга оширди.













