Чоршанба куни кечқурун «Реал» қитъалараро кубок финалида «Пачука»ни 3:0 ҳисобида мағлуб этди. «Marca» нашри мухбирлари совринни топширишдан олдин ярим ҳимоячи Жуд Беллингемнинг тиббиёт ходимларига мурожаат қилганига эътибор қаратишди. Инглиз футболчиси аввал физиотерапевт билан, сўнгра тиббиёт хизмати бошлиғи билан суҳбатлашди. Сўнггиси Жуднинг оёғини боғлашни буюрди.
Шундан сўнг Беллингем нишонлашга қайтди, бироқ ўйинчилар сакраб, «чемпионлар» деб ҳайқираётганда ўнг оёғига оғирлик туширмасликка ҳаракат қилди.
Кўринишидан, Жуд Беллингем ҳамон қандайдир мушак муаммоларини бошидан кечираётганга ўхшайди.
