«Бавария» бош мураббийи Венсан Компанидан жароҳати туфайли сўнгги ўйинларни ўтказиб юборган ҳужумчи Харри Кейннинг ҳолати ҳақида сўрашди.
«У асосий таркибда бўладими ёки йўқми, ҳозир айтмоқчи эмасман. Бугунги машғулот муҳим аҳамиятга эга. Агар ҳаммаси яхши бўлса, у ўйнайди деган умиддаман. Кейн ва Дэвиснинг машғулотларга қайтиши ажойиб. Кейннинг ўрнини боса олмаслигимиз ҳақида аввалроқ айтгандик. Харри жарима майдончасида қаерда бўлишни ақл бовар қилмайдиган даражада ҳис қилади. Жарима майдонида у дунёнинг энг яхшиларидан бири», деди Компани журналистларга.
Жума куни «Бавария» 2024 йилдаги сўнгги ўйинини ўз майдонида «РБ Лейпциг»га қарши ўтказади.
