Ҳимоячи Тео Эрнандес "Милан"нинг А Сериянинг "Женоа"га қарши сўнгги ўйинида асосий таркибда майдонга тушмади ва бу футболчининг келажаги борасидаги тахминларга сабаб бўлди. "Россонерилар" бош мураббийи Паулу Фонсека Эрнандес ҳақида фикр билдирди.
"Ҳар доимгидек ўйин олдидан гаплашдик. Унинг ҳолатини тушунтириш осон: у кўп ўйнади, терма жамоада ўйнади, шунинг учун у энг яхши жисмоний формада эмас эди. У яна формага қайтиши керак. У биз учун жуда муҳим футболчи. Бу жазо эмас, балки уни яна дунёнинг энг яхши қанот ҳимоячиси қилишнинг бир усули эди", деди Фонсека журналистларга.
