Himoyachi Teo Ernandes "Milan"ning A Seriyaning "Jenoa"ga qarshi so‘nggi o‘yinida asosiy tarkibda maydonga tushmadi va bu futbolchining kelajagi borasidagi taxminlarga sabab bo‘ldi. "Rossonerilar" bosh murabbiyi Paulu Fonseka Ernandes haqida fikr bildirdi.
"Har doimgidek o‘yin oldidan gaplashdik. Uning holatini tushuntirish oson: u ko‘p o‘ynadi, terma jamoada o‘ynadi, shuning uchun u eng yaxshi jismoniy formada emas edi. U yana formaga qaytishi kerak. U biz uchun juda muhim futbolchi. Bu jazo emas, balki uni yana dunyoning eng yaxshi qanot himoyachisi qilishning bir usuli edi", dedi Fonseka jurnalistlarga.
