"Барселона" 17 ёшли вингер Ламин Ямалнинг ўнг тўпиғи жароҳати қайталанишидан хавотирда. Бу ҳақда Marca хабар бермоқда.
Эслатиб ўтамиз, испаниялик футболчи Примеранинг 17-туридан ўрин олган "Леганес"га қарши ўйинда (0:1) жароҳат олганди. Ноябрь ойида ҳам Ямал тўпиғидан жароҳат олган ва шу сабаб учта ўйинни ўтказиб юборган эди.
Манба берган хабарга кўра, Каталония клуби жароҳатнинг такрорланиши фактидан ташқари, Ямалнинг ҳолати "блауграна"нинг ярим ҳимоячи Френки де Йонг билан бўлган салбий тажрибасини эслатаётганидан хавотирда. Таъкидланишича, "Барселона" бундан буён 17 ёшли ҳужумчининг соғлиғини хавф остига қўймайди.
