"Ювентус" ярим ҳимоячиси Артур Мелога Испаниянинг бир қанча клублари қизиқиш билдирмоқда.

Журналист Жанлука Ди Марционинг ёзишича, бразилиялик футболчини "Бетис", "Севилья", "Вильярреал" ва "Валенсия" клублари ўз сафида кўришни истамоқда. Қайд этилишича, тўртта клуб ҳам қишки трансфер ойнасида тўлиқ трансфер эмас, фақат ижара ҳақида ўйлашмоқда.

28 ёшли Артур жорий мавсумда "Ювентус" таркибида бирорта ҳам ўйин ўтказмади, унинг Турин клуби билан шартномаси 2026 йилнинг 30 июнига қадар тузилган ва унинг трансфер қиймати, нуфузли Transfermarkt портали маълумотларига кўра, атиги беш миллион еврога баҳоланмоқда.