Иван Юрич “Саутгемптон”ни бошқаради.
Инсайдер Фабрицио Романо хабарига кўра, 49 ёшли хорватиялик мутахассис билан шартнома бугун имзоланади. У Расселл Мартиннинг ўрнини эгаллайди.
Юрич бунгача “Женоа”, “Верона” ва “Торино” клубларида ишлаган. Бу мавсумда у "Рома" бош мураббийи бўлди, бироқ шартнома имзолаганидан икки ой ўтмай истеъфога чиқарилди.
"Саутгемптон" бу мавсумда АПЛда фақат битта ўйинда ғалаба қозонган - "Эвертон"га қарши (1:0). 16 турда жамоа 5 очко жамғариб, Англия чемпионатида охирги ўринни эгаллаб турибди.
