Гари Невилл Маркус Рэшфорднинг "Манчестер Юнайтед"дан кетиши мумкинлиги ҳақида фикр билдирди.

Аввалроқ, 27 ёшли футболчи кетма-кет икки марта ўйин учун таркибга киритилмаганди. У "янги чақирувга тайёрлигини" айтди.

"Менимча, Маркусдек иқтидорга эга футболчилар клубни тарк этиши керак эмас. Саккиз ёшидан бери клубда бўлган футболчилар у ерда абадий қолишларини истардим.

Аммо охирги кунларда иш шу даражага етдики, агар у кетса, ҳар икки томон учун ҳам яхши бўлади. Афсуски, Рэшфорд “Манчестер Юнайтед”нинг юлдузларидан бири ва бир неча йиллардан бери шундай", деди "Манчестер Юнайтед"нинг собиқ футболчиси Гари Невилл.