«Реал Мадрид» «Севилья»га қарши ўйин олдидан Винисиус Жуниорнинг «The Best»даги ғалабасини нишонлайди.

Мадридликлар вингери йилнинг энг яхши футболчиси сифатида ФИФА «The Best» 2024 мукофотини олди.

Бразилиялик футболчи совринни олганини ўзининг кечки овқатида нишонлаган бўлса, клуб энди Ла Лига доирасида «Севилья»га қарши уй учрашуви олдидан футболчини стадионда табриклаш ниятида.

Винисиус сариқ карточкалар тўпланиб қолгани сабабли якшанба куни ўйнамайди, бироқ ўйин стартига бир неча дақиқа қолганда майдонга тушади. Бразилиялик футболчи «Олтин тўп»ни қўлга кирита олмаганидан сўнг мухлислари томонидан қўллаб-қувватлангани учун миннатдорчилик белгиси сифатида «The Best» мукофотини тақдим этади.

Таъкидланганидек, «Реал Мадрид» Винисиус учун муҳим йил якуни 2025 йилда муваффақиятли давом этишига ишонмоқда.