"Комо" ярим ҳимоячиси Николас Паз "Интер" эътиборини тортди. 20 ёшли футболчи "Реал"дан кетганидан сўнг Италияда илк мавсумини ўтказмоқда. Журналист Николо Шкиранинг сўзларига кўра, аргентиналик футболчининг муваффақиятларини "Интер" диққат билан кузатиб бормоқда.
"Реал" истиқболли ҳужумкор ярим ҳимоячини қайтариб сотиб олиш бўйича биринчи ўринда туриш ҳуқуқини ўзида сақлаб қолади ва агар "Комо" уни бошқа бировга сотса, "Қироллик клуби" ҳам трансфер суммасининг 50 фоизини олади.
Николас Паз жорий Италия чемпионатида Сеск Фабрегас жамоаси сафида 15 та ўйинда майдонга тушиб, 2 та гол ва 4 та голли узатмага муаллифлик қилган.
