19 декабрь куни “Челси” УEФА Конференциялар лигасининг 2024/2025 йилги мавсуми 6-тур учрашувида “Шемрок Роверс”ни мағлуб этди (5:1). Ушбу ғалаба эвазига лондонликлар турнирнинг асосий босқичидаги ўйинларини 100 фоизлик натижа: олтита ўйинда олтита ғалаба билан якунлашга муваффақ бўлди.
Бу йил “аристократлар” турнирда 18 очко тўплашга муваффақ бўлган ягона жамоадир. Улар Конференциялар лигаси жадвалида биринчи ўринни эгаллаб, 1/8 финалга йўл олишди. “Челси” клуб тарихида биринчи марта еврокубокларнинг гуруҳ босқичида олтита ўйинда олтита ғалаба қозонишга муваффақ бўлди.
Бунгача жамоанинг еврокубокларнинг гуруҳ босқичидаги энг яхши натижаси 2018/2019 йилги мавсумда Европа Лигасидаги кўрсаткичи бўлиб, бешта ғалаба ва бир марта дуранг ўйнаганди.
