19 dekabr kuni “Chelsi” UEFA Konferensiyalar ligasining 2024/2025 yilgi mavsumi 6-tur uchrashuvida “Shemrok Rovers”ni mag‘lub etdi (5:1). Ushbu g‘alaba evaziga londonliklar turnirning asosiy bosqichidagi o‘yinlarini 100 foizlik natija: oltita o‘yinda oltita g‘alaba bilan yakunlashga muvaffaq bo‘ldi.
Bu yil “aristokratlar” turnirda 18 ochko to‘plashga muvaffaq bo‘lgan yagona jamoadir. Ular Konferensiyalar ligasi jadvalida birinchi o‘rinni egallab, 1/8 finalga yo‘l olishdi. “Chelsi” klub tarixida birinchi marta yevrokuboklarning guruh bosqichida oltita o‘yinda oltita g‘alaba qozonishga muvaffaq bo‘ldi.
Bungacha jamoaning yevrokuboklarning guruh bosqichidagi eng yaxshi natijasi 2018/2019 yilgi mavsumda Yevropa Ligasidagi ko‘rsatkichi bo‘lib, beshta g‘alaba va bir marta durang o‘ynagandi.
