"Реал" ярим ҳимоячиси Дани Себальос "Ювентус"нинг радарига тушди.
28 ёшли футболчининг "қироллик клуби"ни тарк этиши мумкинлиги ҳақидаги гап-сўзлар анчадан буён давом этмоқда. Сўнгги пайтларда ярим ҳимоячи Карло Анчелотти жамоасининг асосий таркибига кўпроқ киритилмоқда, аммо трансфер ҳақидаги миш-мишлар долзарблигича қолмоқда. Журналист Экрем Конур хабарига кўра, "Ювентус" испаниялик футболчининг номзодини кўриб чиқмоқда. Футболчига "Атлетико", "Бетис" ва "Реал Сосьедад" ҳам қизиқиш билдирмоқда.
Дани Себальос бу мавсумда "Реал" сафида 13 та ўйинда майдонга тушди. Унинг шартномаси 2027 йилга қадар мўлжалланган ва унинг трансфер қиймати, Transfermarkt маълумотларига кўра, 4 миллион евро.
