"Real" yarim himoyachisi Dani Sebalyos "Yuventus"ning radariga tushdi.

28 yoshli futbolchining "qirollik klubi"ni tark etishi mumkinligi haqidagi gap-so‘zlar anchadan buyon davom etmoqda. So‘nggi paytlarda yarim himoyachi Karlo Anchelotti jamoasining asosiy tarkibiga ko‘proq kiritilmoqda, ammo transfer haqidagi mish-mishlar dolzarbligicha qolmoqda. Jurnalist Ekrem Konur xabariga ko‘ra, "Yuventus" ispaniyalik futbolchining nomzodini ko‘rib chiqmoqda. Futbolchiga "Atletiko", "Betis" va "Real Sosyedad" ham qiziqish bildirmoqda.

Dani Sebalyos bu mavsumda "Real" safida 13 ta o‘yinda maydonga tushdi. Uning shartnomasi 2027 yilga qadar mo‘ljallangan va uning transfer qiymati, Transfermarkt ma’lumotlariga ko‘ra, 4 million yevro.