"Барселона" сўнгги ўйинларда вазиятларни голга айлантиришда муаммоларга дуч келмоқда.

Айнан дарвоза олдидаги паст самарадорлик жамоанинг шанба кунги “Атлетико Мадрид”га (1:2) қарши ўйиндаги мағлубиятининг асосий сабабларидан бирига айланди.

"Кўк-анорранглилар" еттита аниқ гол уриш имкониятидан олтитасини ўтказиб юборишди.

Умуман олганда, жорий Ла Лиганинг 19 ўйинида Ханс-Дитер Флик жамоаси 50 та яққол имкониятни амалга ошира олмади.

Бу кўрсаткич бўйича иккинчи ўринда "Бетис" жамоаси бўлиб, улар 33 та катта имкониятни бой берди. Учинчи ўринда "Вильярреал" (32), кейинги ўринларда "Реал" ва "Атлетико" - мос равишда 31 ва 28 та.