"Милан" "Атлетико Паранаэнсе"дан Агустин Каноббиони сотиб олишга яқин турибди.
"El Observador" хабарига кўра, трансфер нархи 4 миллион еврони ташкил қилиши мумкин. "Атлетико Паранаэнсе" футболчини 2022 йилнинг март ойида "Пеньярол"дан 2,85 миллион еврога сотиб олган. Агар трансфер амалга оширилган тақдирда, "Пеньярол" 450 минг еврони ташкил қилувчи гонорарнинг фоизини олади.
Футболчига "Бока Хуниорс", "Ривер Плейт" ва "Палмейрас" клублари ҳам қизиқиш билдиришган, аммо Каноббио Европага кўчиб ўтишга тайёр.
26 ёшли футболчи кўп қиррали вингер бўлиб, у асосан чап қанотда ўйнайди, лекин ўнгда ёки ҳужумчи орқасида чуқурроқ ролда ҳам жойлашиши мумкин.
Жорий мавсумда "Атлетико Паранаэнсе" сафида Агустин 48 ўйинда 9 та гол урди ва 7 та голли узатмани амалга оширди. У шунингдек, Уругвай терма жамоаси сафида 12 та ўйин ўтказиб, битта гол урган ва битта голли узатмани амалга оширган.
