Лондоннинг "Челси" клуби франциялик ҳужумчи Кристофер Нкунку билан хайрлашиши мумкин, деб хабар беради "Goal.com".
Футболчига Европанинг икки клуби қизиқиш билдирмоқда. Нкунку учун курашда "Барселона" ва "Наполи" иштирок этади. Иккала даъвогар ҳам форвардни мавсум охиригача ижарага олмоқчи. Нкункунинг ўзи "аристократлар" сафида ўйин амалиёти йўқлиги сабабли жамоани алмаштиришга тайёр.
27 ёшли франциялик футболчи Англия чемпионатининг жорий мавсумида 15 та ўйин ўтказди. Ҳужумчи иккита гол урди ва битта голли узатмани амалга оширди. Футболчининг "Челси" билан шартномаси 2029 йилнинг ёзига қадар мўлжалланган.
