"Манчестер Сити" бош мураббийи Пеп Гвардиола жамоа муаммоларини ҳал қилиш устида ишлаш ҳақида гапирди.
"Сити" барча мусобақаларда сўнгги 12 ўйинда тўққизта мағлубият аламини тотиб кўрди. Пайшанба куни Англиянинг амалдаги чемпиони ўз майдонида "Эвертон"ни қабул қилади.
“Мен сабоқ оляпман. Футболчилар ҳам ўрганишмоқда. Биз "Эвертон" ҳақида ўйлаймиз, олдинга унчалик узоққа қарамаймиз.
Мен барчасига жавоб бериш учун келдим, лекин ўзимни ортиқча ҳимоя қила олмайман. Бу жамоа жуда узоқ вақт барқарор эди, биз барча рекордларни янгиладик, аммо ҳозир биз бошқа томондамиз.
Биз чиқиш йўлини топишимиз керак. Бу қийинлашмоқда, лекин биз ҳаракат қиламиз", - дея Гвардиоланинг сўзларини келтиради City Xtra.
