"Manchester Siti" bosh murabbiyi Pep Gvardiola jamoa muammolarini hal qilish ustida ishlash haqida gapirdi.
"Siti" barcha musobaqalarda so‘nggi 12 o‘yinda to‘qqizta mag‘lubiyat alamini totib ko‘rdi. Payshanba kuni Angliyaning amaldagi chempioni o‘z maydonida "Everton"ni qabul qiladi.
“Men saboq olyapman. Futbolchilar ham o‘rganishmoqda. Biz "Everton" haqida o‘ylaymiz, oldinga unchalik uzoqqa qaramaymiz.
Men barchasiga javob berish uchun keldim, lekin o‘zimni ortiqcha himoya qila olmayman. Bu jamoa juda uzoq vaqt barqaror edi, biz barcha rekordlarni yangiladik, ammo hozir biz boshqa tomondamiz.
Biz chiqish yo‘lini topishimiz kerak. Bu qiyinlashmoqda, lekin biz harakat qilamiz", - deya Gvardiolaning so‘zlarini keltiradi City Xtra.
