Мадриднинг "Реал" клуби ҳужумчиси Килиан Мбаппе жорий мавсумнинг иккинчи ярми унинг учун омадлироқ бўлишига ишонмоқда.
Якшанба куни француз гол урди ва "Лос Бланкос"га Ла Лига доирасидаги ўз уйида "Севилья"ни мағлуб этишга ёрдам берди (4:2).
"Реал" сафида барча мусобақаларда ўтказган 23 та ўйиндан сўнг форвард ҳисобида 13 та гол бор. Defensacentral хабарига кўра, бугунги ўйиннинг танаффус вақтида Мбаппе клуб президенти Флорентино Пересга ваъда берган: футболчи мавсумнинг қолган қисмида икки баробар кўп гол уришини айтган.
