"Ливерпул"нинг собиқ футболчиси Жейми Каррагер мерсисайдликлар қанот ҳимоячиси Трент Александр-Арнолднинг келажаги ҳақида ўз фикрлари билан ўртоқлашди.
"Трент – "Ливерпуль" тарбияланувчиси. Агар у клубдан текинга кетса, бу ёқимсиз ҳолат бўлади. Агар у жамоада қолса, у жамоанинг энг яхши футболчиларидан бири сифатида ёдда қолади. У Стивен Жеррарддан бир оз пастроқ бўлади", - дейди футбол эксперти.
Аввалроқ матбуотда 26 ёшли футболчи фаолиятини "Реал"да давом эттириши мумкинлиги ҳақида хабарлар тарқалган эди. Александр-Арнольд 2016 йилнинг ёзидан буён "Ливерпул"да ўйнамоқда. Томонлар ўртасидаги амалдаги шартнома 2025 йилнинг июл ойи охирида якунига етади.
