"Атлетико" бош мураббийи Диего Симеоне Ла лигада декабрь ойининг энг яхши мураббийи.

"Атлетико" 27 октябрдан бери бирорта ҳам ўйинда мағлубиятга учрамаган. Сўнгги бор "Бетис"дан 0:1 ҳисобида мағлубиятга учраган Симеоне бошчилигидаги жамоа барча ўйинларида (7 тадан 7 тасида) ғалаба қозонди: "Лас-Пальмас" (2:0), "Мальорка" (0:1), "Алавес" (2:1), "Вальядолид" (0:5), "Севилья" (4:3), "Хетафе" (1:0) ва "Барселона" (1:2).

54 ёшли мутахассис мавсумдаги илк совринини қўлга киритди. У Ла лига "EA Sports"да декабрь ойининг энг яхши мураббийи учун овоз беришда Диего Мартинес ("Лас-Пальмас") ва Эрнесто Вальверде ("Атлетик") дан ўзиб кетди.

"Атлетико" 18 ўйинда 41 очко жамғариб, Испания чемпионатида 1-ўринни эгаллаб турибди.