"Вест Бромвич" бош мураббийи Карлос Корберан тез орада "Валенсия"ни бошқаради.

41 ёшли мутахассис душанба куни истеъфога чиқарилгани эълон қилинган "кўршапалаклар" бошқарувидаги Рубен Бараханинг ўрнини эгаллайди. Нуфузли инсайдер Фабрицио Романо маълумотларига кўра, яқин 24 соат ичида Корберан "Валенсия" билан 2027 йилнинг ўрталарига қадар шартнома имзолайди. Ла Лига клуби испанияликнинг "Вест Бромвич" билан шартномасидаги 3 миллион евролик товон пулини фаоллаштирди.

Карлос Корберан 2022 йил октябрь ойидан бери "Қора қушлар"ни бошқариб келмоқда. У аввал Грециянинг "Олимпиакос" ва Англиянинг "Хаддерсфилд" клубларида ишлаган.