"Барселона" ярим ҳимоячи Дани Ольмони мавсумнинг иккинчи ярмига рўйхатдан ўтказиши мумкинлигига шубҳа қилмаяпти.

Испаниялик футболчи январь ойидан бошлаб рўйхатдан ўтмасдан қолиши хавфи бор - бу Каталония гигантининг молиявий қийинчиликлари билан боғлиқ. Вазиятни бошқа клублар кузатиб бормоқда, агар "кўк-анорранглилар" муваффақиятсизликка учраса, Ольмони ўз сафига жалб қилишга тайёр, аммо 26 ёшли ҳужумкор ярим ҳимоячининг кетиш эҳтимоли жуда паст, деб хабар беради Mundo Deportivo. "Барселона" футболчининг рўйхатдан ўтишига ишончи комил, Европа чемпионининг ўзи ҳам клубини ўзгаришидан манфаатдор эмас.

Дани Ольмо барча мусобақаларда Ханс-Дитер Флик шогирдлари сафида 15 та ўйинда майдонга тушиб, 6 та гол ва битта голли узатмага муаллифлик қилган.