ЦСКАда бош директор лавозимида ишлаб келаётган Роман Бабаев ҳужумкор ярим ҳимоячи Аббосбек Файзуллаев билан боғлиқ вазият ҳақида гапирди.
Бабаевнинг сўзларига кўра, клуб янги шартнома борасида музокаралар олиб бормаяпти, бироқ 21 ёшли ҳамюртимизнинг маошини оширган.
"Биз Аббос шартномада нима ёзилганидан қатъий назар, шартнома муддатини узайтирмасдан, молиявий шартларни оширишга лойиқ эканини ҳис қилдик. Бу бизнинг клубда одатий ҳол", - дея Бабаевнинг сўзларини келтиради RB Sport.
2024/2025 йилги мавсумда Файзуллаев 23 та расмий ўйин ўтказди. Уларда футболчимиз 3 та гол урди ва жамоадошлари учун 6 та голли узатмани амалга оширди.













