Англиянинг «Ливерпуль» клуби Франциянинг «ПСЖ» ҳужумчиси Рандал Коло Муани билан шартнома имзолашга тайёр. Бу ҳақда журналист ва инсайдер Флориан Плеттенберг ўзининг ижтимоий тармоқлардаги саҳифасида хабар берди.

Манбага кўра, мерсисайдликлар француз футболчисини қисқа муддатли ижарага олишга интилишмоқда. Парижликлар эса келишувга сотиб олиш шартини ёки мажбуриятини киритишга ҳаракат қилмоқда.

Аввалроқ оммавий ахборот воситаларида Коло Муани «Манчестер Юнайтед», «РБ Лейпциг» ёки «Монако»га ўтиши мумкинлиги ҳақида хабарлар пайдо бўлган эди. Франция клуби мураббийлар штаби ҳужумчини асосий режаларда кўрмаяпти.

Футболчи 2023 йилнинг ёзида «Айнтрахт»дан «ПСЖ»га € 95 миллион эвазига кўчиб ўтган эди. Француз грандлари сафида у 54 та ўйинда иштирок этиб, 11 та гол ва 7 та голли пас билан ажралиб турди. Унинг амалдаги шартномаси 2028 йилнинг ёзигача мўлжалланган. Transfermarkt портали маълумотига кўра, футболчининг бозор қиймати € 30 миллионни ташкил этади.