Angliyaning «Liverpul» klubi Fransiyaning «PSJ» hujumchisi Randal Kolo Muani bilan shartnoma imzolashga tayyor. Bu haqda jurnalist va insayder Florian Plettenberg o‘zining ijtimoiy tarmoqlardagi sahifasida xabar berdi.

Manbaga ko‘ra, mersisaydliklar fransuz futbolchisini qisqa muddatli ijaraga olishga intilishmoqda. Parijliklar esa kelishuvga sotib olish shartini yoki majburiyatini kiritishga harakat qilmoqda.

Avvalroq ommaviy axborot vositalarida Kolo Muani «Manchester Yunayted», «RB Leypsig» yoki «Monako»ga o‘tishi mumkinligi haqida xabarlar paydo bo‘lgan edi. Fransiya klubi murabbiylar shtabi hujumchini asosiy rejalarda ko‘rmayapti.

Futbolchi 2023 yilning yozida «Ayntraxt»dan «PSJ»ga € 95 million evaziga ko‘chib o‘tgan edi. Fransuz grandlari safida u 54 ta o‘yinda ishtirok etib, 11 ta gol va 7 ta golli pas bilan ajralib turdi. Uning amaldagi shartnomasi 2028 yilning yozigacha mo‘ljallangan. Transfermarkt portali ma’lumotiga ko‘ra, futbolchining bozor qiymati € 30 millionni tashkil etadi.