"Барселона"нинг 17 ёшли қанот ҳужумчиси Ламин Ямал ноябрь ойи бошида тўпиғидан олган жароҳати туфайли учта ўйинни ўтказиб юборган бўлса-да, тўлиқ тикланмаганига қарамай, каталонияликлар сафида ўйнашни давом эттирди. Бу ҳақда Sport.es хабар бермоқда.
Манба маълумотларига кўра, 17 ёшли футболчи жамоасига ёрдам бериш истагини ҳис қилгани учун оптимал жисмоний ҳолатда бўлмаса ҳам, майдонга чиқишга тайёр бўлган. Агар ўйин "Барселона" режаси бўйича кетаётган бўлса, Ямални Испания Примераси 17-тур доирасида "Леганес" (0:1) билан бўлган учрашувнинг иккинчи бўлимида алмаштиришлари режалаштирилган эди. Бироқ, Ямал ўйиннинг иккинчи ярмида ҳам майдонда қолди ва шу пайтда яна тўпиғидан жароҳат олди.
Таъкидланишича, ҳужумчи 29 декабрь куни жамоа билан машғулотларга қайтади.
