"Barselona"ning 17 yoshli qanot hujumchisi Lamin Yamal noyabr oyi boshida to‘pig‘idan olgan jarohati tufayli uchta o‘yinni o‘tkazib yuborgan bo‘lsa-da, to‘liq tiklanmaganiga qaramay, kataloniyaliklar safida o‘ynashni davom ettirdi. Bu haqda Sport.es xabar bermoqda.
Manba ma’lumotlariga ko‘ra, 17 yoshli futbolchi jamoasiga yordam berish istagini his qilgani uchun optimal jismoniy holatda bo‘lmasa ham, maydonga chiqishga tayyor bo‘lgan. Agar o‘yin "Barselona" rejasi bo‘yicha ketayotgan bo‘lsa, Yamalni Ispaniya Primerasi 17-tur doirasida "Leganes" (0:1) bilan bo‘lgan uchrashuvning ikkinchi bo‘limida almashtirishlari rejalashtirilgan edi. Biroq, Yamal o‘yinning ikkinchi yarmida ham maydonda qoldi va shu paytda yana to‘pig‘idan jarohat oldi.
Ta’kidlanishicha, hujumchi 29 dekabr kuni jamoa bilan mashg‘ulotlarga qaytadi.
