Испаниянинг "Валенсия" клуби расмий сайти жамоанинг янги бош мураббийи номини эълон қилди. 41 ёшли мутахассис Карлос Корберан янги бош мураббий бўлди, у 2022 йилнинг октабридан буён Англия чемпионатининг "Вест Бромвич" клубида ишлаб келаётганди. У билан шартнома 2027 йилгача тузилган.
Қайд этилишича, Корбераннинг "Вест Бромвич"дан кетишини таъминлаш мақсадида "кўршапалаклар" раҳбарияти унинг Британия клуби билан келишувида товон пули вариантни фаоллаштирган.
Аввалроқ, клубда футболчи сифатида 10 йил тўп сурган 49 ёшли собиқ ярим ҳимоячи Рубен Бараха "Валенсия" бош мураббийлигидан озод этилгани маълум бўлганди.
