Франция терма жамоаси ва "ПСЖ"нинг марказий ҳужумчиси Рандаль Коло-Муани фаолиятини Англия Премьер-лигасининг топ-клубида давом эттириши мумкин. Бу ҳақда инсайдер Флориан Плеттенберг ижтимоий тармоқлар орқали хабар берди.
Манба берган хабарга кўра, ҳужумчининг хизматларига АПЛ етакчиси "Ливерпуль" қизиқиш билдирмоқда. Мерсисайдликлар жорий мавсум якунига қадар Рандални ижарага олишни режалаштирмоқда.
Жорий мавсумда Коло-Муани парижликлар сафида 14 та ўйин ўтказиб, 2 та гол ва битта голли узатмани амалга оширди. 26 ёшли форварднинг трансфер қиймати 30 миллион еврога баҳоланмоқда.
