Таниқли ММА фахрийси, ҳозирда бокс ва аралаш яккакураш аналитиги сифатида ишлаётган Майкл Биспинг супероғир вазнда собиқ жаҳон чемпиони Тайсон Фьюрига маслаҳат берди.
Биспингнинг айтишича, британиялик боксчи зудлик билан фаолиятини якунлашини керак. Британиялик боксчи 21 декабрь куни WBC, WBA ва WBO йўналишлари чемпиони Александр Усикка очколар ҳисобига кўра имкониятни бой бериб қўйган эди. У фаолиятидаги иккала мағлубиятини айнан Усикдан қабул қилиб олган.
"Кетма-кет иккита мағлубиятдан кейин Фьюри фаолиятини якунлайдими? Шахсан мен унга шуни маслаҳат берган бўлардим. Чунки, унда исботлаши керак бўлган нарсанинг ўзи қолмади. У боксда эришган натижалари билан фахрланса арзийди. Яхшигина пул ишлаб олди. Британия профессионал бокс тарихидаги энг яхшиларидан бирига айланди", — дея Биспингнинг сўзларини келтирмоқда MiddleEasy.
