"Барселона" Бильбаонинг "Атлетик" клуби вингери Нико Уильямс учун рақобат кучайиб бораётганидан хавотирда эмас.
"Блауграна" испаниялик футболчига ягона даъвогар эмас: кеча маълум бўлганидек, "Бавария" ҳам ёзги трансфер ойнасида Европа чемпиони билан шартнома имзолаш вариантини жиддий кўриб чиқмоқда. Уильямс хизматига қизиқиш билдираётган клублар орасида Англия Премьер-лигаси вакиллари ҳам бор.
Бироқ "Барселона" "Бавария" ва бошқа Европа гигантлари билан рақобатдан қўрқмайди, деб хабар беради Diario Sport. Каталония гранди хотиржам, чунки улар 22 ёшли футболчининг ўзи айнан "Барса"ни афзал кўришини билишади.
