"Манчестер Юнайтед" юлдуз вингери Антонининг агенти унинг трансфери бўйича клуб бошқа бир қанча жамоалардан таклиф олганини тасдиқлади.
"Ҳа, январь ойидаги трансфер ойнаси олдидан бир нечта клублар Антони ҳақида маълумот сўрашди. Бу клублар футболчининг жамоадаги ҳолатини тушунмоқчи, шунинг учун бу қизиқиш мавжудлигини тасдиқлашим мумкин.
Тўғрисини айтсам, "Манчестер Юнайтед" кейинги трансфер ойнасида Антонини сотиш ёки ижарага бериш истагини билдирмади, биз клубдан ҳеч қандай аниқ маълумот олмадик", деди агент.
Жорий мавсумда Антони "Манчестер Юнайтед" сафида барча мусобақаларда 10 та ўйинда майдонга тушиб, атиги битта гол урди.
