Инсайдер Николо Скира агент Жорже Мендеш ва "Ювентус" спорт директори Кристиано Жунтоли ўртасида "Юве"да ижара асосида ўйнаётган "Порту" вингери Франсишку Консейсау бўйича ўтказилган учрашув натижаларини ошкор қилди.
Қайд этилишича, Мендеш Sky нашрига берган интервьюсида қуйидагиларни айтган: "Франсишку "Ювентус"да жуда бахтли ва у ерда узоқ вақт қолади".
Скира шунингдек, Турин клуби ноябрь ойида хабар қилинганидек, футболчининг тўлиқ трансфери учун 30 миллион евро товон пули тўлашга тайёрлигини қўшимча қилди.
Консейсау бу мавсумда "бьянконерилар" сафида 18 та ўйинда майдонга тушиб, 3 та гол ва 4 та голли узатмага муаллифлик қилган.
