"Ливерпуль" ҳужумчиси Муҳаммад Салоҳ фаолиятидаги энг яхши мавсумни ўтказмоқда.
"Қизиллар"нинг ҳужумкор етакчиси "Лестер"га қарши баҳсда гол урди. Opta хабарига кўра, мисрлик футболчи Англия Премьер-лигасида уй учрашувларида 100 та гол урган тарихдаги саккизинчи футболчи бўлди. 32 ёшли футболчи "Ливерпуль" учун "Энфилд"да 98 та, "Челси"да ўйнаган вақтида "Стэмфорд Бриж"да яна иккита гол урган.
Муҳаммад Салоҳ АПЛнинг жорий мавсумида 16 та гол урди ва 11 та голли узатмани амалга оширди. Мерсисайдликлар ҳужумчиси чемпионатда иккала кўрсаткич бўйича ҳам пешқадамлик қилмоқда.
