"Ливерпуль" ҳужумчиси Муҳаммад Салоҳ яна бир бор гол урди.
Мисрлик футболчи Англия премер-лигасининг 18-турида "Лестер" дарвозасини ишғол қилиб, ҳисобни 3:1 кўринишига келтирди. Чемпионат жорий мавсумида Салоҳ ҳисобида 16 та гол бор. "Қизиллар" ҳужумчиси ўзининг энг яқин таъқибчиси Эрлинг Холанд ("Манчестер Сити") билан устунлигини учта голга етказди. "Челси" футболчиси Коул Палмер 12 та гол билан рўйхатда учинчи ўринда қолди.
Ноябрь бошидан бери Холанд Премьер-лиганинг 9 ўйинида атиги икки марта гол урди. Эслатиб ўтамиз, норвегиялик футболчи аввалги икки мавсумда лиганинг энг яхши тўпурари бўлган эди.
Шунингдек, Муҳаммад Салоҳ 11 голли узатма билан энг яхши ассистентлар рўйхатини бошқариб турибди.
