Ҳужумчи Маркус Рэшфорд бош мураббий Рубен Аморим томонидан "Манчестер Юнайтед"нинг сўнгги тўртта ўйинида қайдномага киритилмади. "Вулверхэмптон"дан учралган мағлубиятдан сўнг (0:2) мутахассис Рэшфорднинг йўқлиги ҳақида фикр билдирди.
"Бу ҳар доим бир хил сабабга кўра содир бўлмоқда. Биз ғалаба ва мағлубиятлардан кейин ҳам профессионал бўлишимиз керак. Мағлубиятга учрасак, кучлироқ бўлишимиз керак. Мен ўз ғоямга охиригача содиқ қолишда давом этаман.
Рэшфорд таркибдан туширилганидан кейин нимадир кўрсатдими? Агар у йўқ бўлса, хулоса чиқаришингиз мумкин", - дея Аморим сўзларини келтиради BBC.
