Винисиус Жуниор йилнинг энг яхши ҳужумчиси сифатида Globe Soccer Awards мукофотини олди.
"Реал Мадрид"нинг бразилиялик футболчиси Дубайдаги маросимда тақдирланди.

Винисиуснинг рақиблари: Артем Довбик (“Рома”/Жирона), Филипп Фоден, Эрлинг Холанд (“Манчестер Сити”), Харри Кейн (“Бавария”), Лаутаро Мартинес (“Интер”), Килиан Мбаппе (“Реал”), Муҳаммад Салоҳ (“Ливерпул”), Нико Уильямс (“Атлетик”) ва Ламин Ямал (“Барселона”) бўлди.

"Реал" ҳужумчиси бу борада фикр билдирди. 

“Криштиану [Роналду] Неймар билан бирга менинг кумирим. Икки кумирим олдида мавсумнинг энг яхши футболчиси совринини қўлга киритиш катта шараф.

Ўзимни исботлашимга имкон берган барча ҳамкасбларим ва оиламга, шунингдек, "Фламенго"га раҳмат айтмоқчиман.

Мени қўллаб-қувватлайдиган барча мухлислардан миннатдорман", - дейди Винисиус.