Vinisius Junior yilning eng yaxshi hujumchisi sifatida Globe Soccer Awards mukofotini oldi.
"Real Madrid"ning braziliyalik futbolchisi Dubaydagi marosimda taqdirlandi.
Vinisiusning raqiblari: Artem Dovbik (“Roma”/Jirona), Filipp Foden, Erling Xoland (“Manchester Siti”), Xarri Keyn (“Bavariya”), Lautaro Martines (“Inter”), Kilian Mbappe (“Real”), Muhammad Saloh (“Liverpul”), Niko Uilyams (“Atletik”) va Lamin Yamal (“Barselona”) bo‘ldi.
"Real" hujumchisi bu borada fikr bildirdi.
“Krishtianu [Ronaldu] Neymar bilan birga mening kumirim. Ikki kumirim oldida mavsumning eng yaxshi futbolchisi sovrinini qo‘lga kiritish katta sharaf.
O‘zimni isbotlashimga imkon bergan barcha hamkasblarim va oilamga, shuningdek, "Flamengo"ga rahmat aytmoqchiman.
Meni qo‘llab-quvvatlaydigan barcha muxlislardan minnatdorman", - deydi Vinisius.
