"Арсенал" бош мураббийи Микель Артета тиззасидан олган жароҳати туфайли бир неча ҳафта майдонга туша олмаган жамоа футболчиси Рахим Стерлингнинг ҳолати ҳақида гапирди.
"Раҳим ҳақидаги хабар яхши, менимча. Кўрамиз, бу ҳафта у қандай тузалиб кетади. Бироқ, тикланиш жараёни сўнгги бир неча кун ичида биз ўйлаганимиздан бироз кўпроқ вақт талаб қилиши мумкин. Умид қиламанки, якунда ҳаммаси яхши бўлади, чунки у бизга керак", - деди Артета клуб матбуот хизматига.
Жорий мавсумда Рахим Стерлинг “канонирлар” сафида барча мусобақаларда 10 та ўйин ўтказиб, битта гол урди ва иккита голли узатмани амалга оширди.
