Мадриднинг "Реал" клуби бош мураббийи Карло Анчелотти Браим Диасга ишонади.
25 ёшли футболчининг "қаймоқранглилар"нинг асосий таркибида доимий ўрни йўқ, шу боис ҳам матбуот марокашлик футболчининг кетиши мумкинлиги ҳақида тинмай гапирмоқда. Diario AS хабарига кўра, Анчелотти Диасга вақт ўтиши билан у жамоада тобора муҳим роль ўйнашини айтди. Италиялик мутахассис футболчининг ҳужум ва ярим ҳимояда бир нечта позицияларда ўйнаш қобилиятини қадрлайди.
Браим жорий мавсум "Реал"нинг 18 та ўйинида майдонга тушиб, 2 та гол урди ва 3 та голли узатмани амалга оширди.
