Madridning "Real" klubi bosh murabbiyi Karlo Anchelotti Braim Diasga ishonadi.

25 yoshli futbolchining "qaymoqranglilar"ning asosiy tarkibida doimiy o‘rni yo‘q, shu bois ham matbuot marokashlik futbolchining ketishi mumkinligi haqida tinmay gapirmoqda. Diario AS xabariga ko‘ra, Anchelotti Diasga vaqt o‘tishi bilan u jamoada tobora muhim rol o‘ynashini aytdi. Italiyalik mutaxassis futbolchining hujum va yarim himoyada bir nechta pozisiyalarda o‘ynash qobiliyatini qadrlaydi.

Braim joriy mavsum "Real"ning 18 ta o‘yinida maydonga tushib, 2 ta gol urdi va 3 ta golli uzatmani amalga oshirdi.